അടക്കാത്തോട്: അടക്കാത്തോട് ഗവ.യു.പി സ്കൂളിൽ ചന്ദ്രനിൽ മനുഷ്യൻ കാലുകുത്തിയതിന്റെ ഓർമ്മയ്ക്കായി ചാന്ദ്രദിനാഘോഷം സംഘടിപ്പിച്ചു.പരിപാടിയുടെ ഭാഗമായി കുട്ടികൾ റോക്കറ്റിന്റെ മാതൃക നിർമ്മിക്കുകയും, പ്രദർശിപ്പിക്കുകയും പരിചയപ്പെടുത്തുകയും ചെയ്തു. കൂടാതെ ചന്ദ്രനെ കുറിച്ചുള്ള പ്രഭാഷണം,അമ്പിളി പാട്ടുകൾ, ക്വിസ് മത്സരം തുടങ്ങിയവ സംഘടിപ്പിക്കുകയും ചെയ്തു. ഹെഡ്മിസ്ട്രസ് ശ്രീമതി.ലിസി ടീച്ചർ അധ്യാപകരായ ശ്രീമതി.ജിൻ്റുമോൾ ജോസ് ശ്രീ. ഷാജി മാത്യു എന്നിവർ സംസാരിച്ചു.