അധ്യാപകർക്കെതിരെയും തുടർച്ചയായ അക്രമം നടക്കുന്നുണ്ടെന്നും എസ്എഫ്ഐ ലക്ഷണമൊത്ത ഭീകര സംഘടനയാണെന്നും സുരേന്ദ്രൻ ആരോപിച്ചു. എസ്എഫ്ഐയെ നിയന്ത്രിക്കാൻ പാർട്ടി തയ്യാറാവുന്നില്ല. എസ്എഫ്ഐയെ കയറൂരിവിട്ട് ഗുണ്ടായിസം കാണിക്കുന്നു. പൊലീസും സർക്കാരും ഒരു നടപടിയും ഇവർക്കെതിരെ സ്വീകരിക്കുന്നില്ലെന്നും കൊയിലാണ്ടിയിലെ ദൃശ്യങ്ങൾ പുറത്തുവന്നിട്ടും എസ്എഫ്ഐയെ സംരക്ഷിക്കുകയാണെന്നും കെ സുരേന്ദ്രൻ പറഞ്ഞു.
വയനാട്ടിൽ താൻ മത്സരിക്കണോ എന്ന് പാർട്ടി തീരുമാനിക്കുമെന്നും തീരുമാനിച്ചാൽ മത്സരിക്കുമെന്നും സുരേന്ദ്രൻ പറഞ്ഞു. വയനാട് ഉൾപ്പെടെ എല്ലാ മണ്ഡലങ്ങളിലും ശക്തമായ മത്സരം പ്രകടിപ്പിക്കും. രാഹുൽ ഗാന്ധി വയനാട് തൻ്റെ കുടുംബമാണ് എന്നാണ് പറഞ്ഞത്. ഇത് കുടുംബക്കാരെ മത്സരിപ്പിക്കാനാണെന്നും കെ സുരേന്ദ്രൻ പറഞ്ഞു.