കൊട്ടിയൂർ എൻ എസ് എസ് കെ യു പി സ്കൂളിൽ യോഗദിനം ആചരിച്ചു

കൊട്ടിയൂർ: കൊട്ടിയൂർ എൻ എസ് എസ് കെ യു പി സ്കൂളിൽ യോഗദിനം സമുചിതമായി ആഘോഷിച്ചു. യോഗാചാര്യൻ എൻ ഇ പവിത്രൻ ഗുരുക്കൾ യോഗയുടെ അടിസ്ഥാന കാര്യങ്ങൾ വിശദീകരിക്കുകയും വിവിധ യോഗാസനമുറകൾ പരിശീലിപ്പിക്കുകയും ചെയ്തു. കൂടാതെ യോഗ ദിനത്തോടനുബന്ധിച്ച് സ്പോട്ട് ക്വിസ് പരിപാടിയും സംഘടിപ്പിച്ചു. തുടർന്ന് സ്കൂൾ മാനേജർ കെ.സുനിൽകുമാർ കുട്ടികൾക്ക് സമ്മാനദാനം നടത്തി. ഹെഡ്മിസ്ട്രസ് എസ് സുമിതടീച്ചർ സ്വാഗതം പറഞ്ഞ ചടങ്ങിൽ SRG കൺവീനർ ജിഷ റാണി വി.എസ് നന്ദി അർപ്പിച്ചു സംസാരിച്ചു.