പുതിയ റെക്കോർഡിനായി ഒരു മണിക്കൂറിൽ 60 നഖങ്ങൾക്കാണ് യുവതി നിറം നൽകേണ്ടത്. നഖങ്ങൾ മിനുക്കുന്നതിൽ വിദഗ്ധയായ 19കാരി വടക്കൻ നൈജീരിയയിലെ സ്ത്രീകളുടെ പ്രശ്നങ്ങൾ പുറത്ത് കൊണ്ട് വരാൻ ലക്ഷ്യമിട്ടാണ് മാരത്തോൺ നിറം നൽകൽ പദ്ധതി തയ്യാറാക്കിയത്. മൂന്ന് വർഷത്തിലേറെയായി ഈ മേഖലയിൽ പ്രവർത്തിക്കുകയാണ് ലിഷാ ഡച്ചോർ. ലോക റെക്കോർഡിൽ തന്റെ ജന്മ സ്ഥലമായ പ്ലേറ്റോയും പതിയണമെന്ന ആഗ്രഹവും പ്രകടനത്തിലൂടെ യുവതി മുന്നോട്ട് വയ്ക്കുന്നുണ്ട്.
വിവിധ മത വിഭാഗങ്ങൾ തമ്മിലുള്ള നിരന്തര സഘർഷങ്ങൾ നടക്കുന്ന വടക്കൻ നൈജീരിയയിൽ ആയിരക്കണക്കിന് പേരാണ് കൊല്ലപ്പെട്ടിട്ടുള്ളത്. അതിനാൽ തന്നെ ഈ സംഘർഷങ്ങളുടെ പേരിലാണ് ഇവിടം അറിയപ്പെടുന്നത്. അതിന് ഒരു മാറ്റം ലക്ഷ്യമിട്ടായിരുന്നു 19കാരിയുടെ മാരത്തോൺ നിറം നൽകൽ. വിവിധ ഗോത്രവിഭാഗങ്ങളാണ് 19കാരിക്ക് പിന്തുണയുമായി എത്തിയത്.