പൊലീസ് ഉദ്യോഗസ്ഥർ സഞ്ചരിച്ച ബസ് അപകടത്തിൽപെട്ടു; 10 പേർക്ക് പരിക്ക്, 3 പേരുടെ നില ഗുരുതരം, സംഭവം ബസ്തറില്‍

റായ്പൂർ: ഛത്തീസ്ഗഡിലെ ബസ്തറിൽ പോലീസ് ഉദ്യോഗസ്ഥർ സഞ്ചരിച്ച ബസ് മറിഞ്ഞ് 10 പേർക്ക് പരിക്ക്. 3 പോലീസുകാരുടെ നില ഗുരുതരമാണ്. മധ്യപ്രദേശ് പോലീസിലെ ഉദ്യോഗസ്ഥർ സഞ്ചരിച്ച ബസാണ് റായ്കോട്ട് ഗ്രാമത്തിൽ വച്ച് അപകടത്തിൽപെട്ടത്. പശുക്കളെ ഇടിക്കാതിരിക്കാൻ ബസ് വെട്ടിച്ചപ്പോഴുണ്ടായ അപകടമെന്നാണ് പ്രാഥമിക നിഗമനം. ബസ്തർ ലോക്സഭാ മണ്ഡലത്തിലെ പോളിംഗ് ഡ്യൂട്ടി കഴിഞ്ഞ് മടങ്ങുകയായിരുന്നു പൊലീസ് ഉദ്യോഗസ്ഥര്‍.