കളഞ്ഞു കിട്ടിയ സ്വർണം ഉടമസ്ഥർക്ക് തിരികെ നൽകി മാതൃകയായി മട്ടന്നൂരിലെ ഓട്ടോറിക്ഷ തൊഴിലാളി

മട്ടന്നൂർ: ഓട്ടോയിൽ നിന്നും കളഞ്ഞു കിട്ടിയ സ്വർണ്ണം ഉടമസ്ഥർക്കു തിരികെ നൽകി ഡ്രൈവർ മാതൃകയായി. മട്ടന്നൂരിലെ ബി എം എസ് ഓട്ടോ തൊഴിലാളി കോളാരിയിലെ വി.വി.തിലകരാജാണ് തൻ്റെ ഓട്ടോയിൽ നിന്നും കളഞ്ഞു കിട്ടിയ സ്വർണ്ണമാലയടങ്ങിയ പഴ്സ് കളഞ്ഞു കിട്ടിയത്. കളറോഡ് കുന്നുമ്മൽ വീട്ടിൽ സുജാതയുടേതായിരുന്നു പഴ്സും സ്വർണ്ണവും. മട്ടന്നൂരിൽ നിന്നും കളറോഡിലേക്ക് ഓട്ടോയിൽ വന്ന സുജാത സ്വർണ്ണമാലയടങ്ങിയ പഴ്സ് ഓട്ടോയിൽ മറന്നു വെക്കുകയായിരുന്നു. തിരികെ മട്ടന്നൂർ ഓട്ടോ സ്റ്റാൻ്റിലെത്തിയ തിലകരാജിന് ഓട്ടോയിലെ സീറ്റിൽ നിന്നും സ്വർണ്ണമാലയടങ്ങിയ പഴ്സ് കളഞ്ഞു കിട്ടുകയായിരുന്നു.  ഉടമസ്ഥരെ വിവരമറിയിച്ചതിനെ തുടർന്ന് സുജാതയുടെ ഭർത്താവ് മട്ടന്നൂരിലെ മാധ്യമ പ്രവർത്തകൻ സന്ദീപ് മട്ടന്നൂർ തിലകരാജിൽ നിന്നും സ്വർണ്ണമാലയും പഴ്സും ഏറ്റുവാങ്ങി.