ന്യൂഡൽഹി: കേന്ദ്ര സംഗീത നാടക അക്കാദമിയുടെ 2022, 2023 വർഷങ്ങളിലെ ഫെലോഷിപ്പുകളും പുരസ്കാരങ്ങളും ഉസ്താദ് ബിസ്മില്ലാ ഖാൻ യുവ പുരസ്കാരങ്ങളും പ്രഖ്യാപിച്ചു.
ആറുപേർക്കാണ് ഫെലോഷിപ്പ് അഥവാ അക്കാദമി രത്ന. 92 പേർക്ക് അക്കാദമി പുരസ്കാരവും 80 പ്രതിഭകൾക്ക് ഉസ്താദ് ബിസ്മില്ലാ ഖാൻ യുവ പുരസ്കാരവും നൽകും. വിനായക് ഖേദേക്കർ, ആർ. വിശ്വേശ്വരൻ, സുനന്യ ഹസാരിലാൽ, രാജ ആൻഡ് രാധ റെഡ്ഡി, ദുലാൽ റോയ്, ഡി.പി. സിൻഹ എന്നിവർക്കാണ് ഫെലോഷിപ്പ്. ഫെലോഷിപ്പുകൾക്ക് മൂന്നുലക്ഷം രൂപയും അക്കാദമി പുരസ്‌കാരത്തിന് ഒരുലക്ഷം രൂപയും യുവ പുരസ്‌കാരത്തിന് 25,000 രൂപയും പ്രശസ്തിപത്രവുമടങ്ങുന്നതാണ് ബഹുമതികൾ. മലയാളികളും പുരസ്കാരങ്ങൾക്കർഹരായി.