കയനി യു.പി.സ്കൂൾ കെട്ടിടോദ്ഘാടനവും വാർഷികാഘോഷവും നാളെ

മട്ടന്നൂർ: കയനി യു.പി.സ്കൂൾ കെട്ടിടോദ്ഘാടനവും വാർഷികാഘോഷവും വ്യാഴാഴ്ച നടക്കും. വൈകീട്ട് അഞ്ചിന് കെ.കെ.ശൈലജ എം.എൽ.എ. ഉദ്ഘാടനം ചെയ്യും. നഗരസഭാ ചെയർമാൻ എൻ.ഷാജിത്ത് മാസ്റ്റർ അധ്യക്ഷത വഹിക്കും. 
പരിപാടിയുടെ ഭാഗമായി ബുധനാഴ്ച വൈകീട്ട് അഞ്ചിന് വിളംബര ജാഥ നടത്തും. മണക്കായി പാലത്തിൽ നിന്ന് തുടങ്ങി സ്കൂളിൽ സമാപിക്കും.
വാർത്താസമ്മേളനത്തിൽ നഗരസഭാംഗം മിനി രാമകൃഷ്ണൻ, സ്കൂൾ മാനേജർ പി.വി.നാരായണൻ, പി.ടി.എ.പ്രസിഡൻ്റ് കെ.സുനിൽകുമാർ, പ്രധാനാധ്യാപിക സി.പി.ഷീബ, സി.വിജേഷ്, വി.എം.കാർത്തികേയൻ, കെ.പ്രദീപൻ, ഷിജിൽനാഥ് എന്നിവർ പങ്കെടുത്തു.