സസ്യശാസ്ത്ര ലോകത്ത് പുതിയ ഫംഗസിനെ കണ്ടെത്തി. സാമൂതിരിമാരോടുള്ള ബഹുമാനാര്ഥം ‘ഗോമ്പസ് സാമൂരിനോറം’ എന്നാണ് പേരിട്ടത്. ജൈവാവശിഷ്ടങ്ങളെ മണ്ണില് അലിയിക്കാന് സഹായിക്കുന്നതാണിത്.
വയനാട്ടിലെ ബാണാസുരസാഗര് അണക്കെട്ടിനു സമീപത്തെ കാട്ടില്നിന്ന് കോഴിക്കോട് സാമൂതിരീസ് ഗുരുവായൂരപ്പന് കോളേജിലെ ബോട്ടണി വിഭാഗം ഗവേഷകയായ ഡോ. കൃഷ്ണപ്രിയയും അസിസ്റ്റന്ന്റ് പ്രൊഫസര് ഡോ. ടി.കെ. അരുണ്കുമാറുമാണ് ഫംഗസിനെ കണ്ടെത്തിയത്. പഠനം ഫംഗല് ഡൈവേഴ്സിറ്റി എന്ന അന്താരാഷ്ട്ര ജേണലിന്റെ ഫെബ്രുവരി ലക്കത്തില് പ്രസിദ്ധീകരിച്ചിട്ടുണ്ട്.