പയ്യന്നൂർ:500ൽപ്പരം കലാകാരന്മാർ അണിനിരക്കുന്ന മെഗാപൂരക്കളി ഇന്നലെ രാത്രി തായിനേരി കുറിഞ്ഞി ക്ഷേത്രപരിസരത്ത് നടന്നു. അന്നൂർ തലയന്നേരി പൂമാല ഭഗവതി കാവിലെയും തായിനേരി കുറിഞ്ഞി ക്ഷേത്രത്തിലേയും പൂരക്കളി കലാകാരന്മാരാണ് ചുവടുവെച്ചത്.
കുറിഞ്ഞി ക്ഷേത്രം കളിയാട്ടം 10 മുതൽ 13 വരെയാണ്. ഇതിന്റെ ഭാഗമായാണ് ഈ പൂരക്കളി പ്രദർശനം. 5 മുതൽ 90 വയസുവരെയുള്ളവർ കളിക്കുന്നതും പ്രത്യേകതയാണ്. രണ്ട് ലോക റെക്കോഡുകൾ കൂടി ഈ പ്രദർശനം വഴി സംഘാടകർ ലക്ഷ്യമിടുന്നുണ്ട്.