മട്ടന്നൂർ കോളേജിൽ ലഹരിവിരുദ്ധ കലാജാഥ സംഘടിപ്പിച്ചു

മട്ടന്നൂർ: സംസ്ഥാന യുവജന ക്ഷേമ ബോർഡിന്റെയും ജില്ലാ യുവജന കേന്ദ്രത്തിന്റെയും നേതൃത്വത്തിൽ “ഉയിർപ്പ്” എന്ന പേരിൽ ലഹരി വിരുദ്ധ കലാജാഥ പഴശ്ശിരാജ എൻ എസ് എസ് കോളേജിൽ നടന്നു. പ്രിൻസിപ്പൽ ഡോ. നന്ത്യത്ത് ഗോപാലകൃഷ്ണൻ അധ്യക്ഷനായി. അസിസ്റ്റൻ്റ് എക്സൈസ് ഓഫീസർ പി എൽ ഷിബു ഉദ്ഘാടനം നിർവഹിക്കുകയും മട്ടന്നൂർ മുൻസിപ്പാലിറ്റി ചെയർമാൻ എൻ. ഷാജിത്ത് ആശംസകൾ അറിയിച്ചു സംസാരിക്കുകയും ചെയ്തു. കോളേജിലെ എൻ എസ്‌ എസ്‌ വളണ്ടിയർമാരുടെ നേതൃത്വത്തിൽ വിദ്യാർത്ഥികളുടെ ലഹരി വിരുദ്ധ മാർച്ചും സംഘടിപ്പിച്ചു.