വീടിന്റെ മുകളിൽ തട്ടടിച്ചു കൊണ്ടിരിക്കെ അപകടം; രണ്ടാം നിലയിൽ നിന്ന് താഴേക്ക് വീണ് മൂന്നുപേർക്ക് പരിക്ക്

തൃശൂർ: നിർമ്മാണം നടന്നുകൊണ്ടിരിക്കുന്ന വീടിന്റെ രണ്ടാം നിലയിൽ നിന്നും താഴെ വീണ് അതിഥി തൊഴിലാളി ഉൾപ്പെടെ മൂന്നുപേർക്ക് പരിക്കേറ്റു. വീടിന്റെ മുകളിൽ തട്ടടിച്ചു കൊണ്ടിരിക്കുന്നതിനിടയിലാണ് അപകടം ഉണ്ടായത്. കൊടുങ്ങല്ലൂർ സ്വദേശികളായ ജയൻ, നെൽസൺ, കൊൽക്കട്ട സ്വദേശിയായ അൻസാർ അലി എന്നിവർക്കാണ് പരിക്കേറ്റത്. വിദഗ്ദ പരിശോധനയ്ക്ക് ശേഷമേ കൂടുതൽ വിവരങ്ങൾ ലഭ്യമാവുകയുള്ളൂ എന്ന് ആശുപത്രി അധികൃതർ അറിയിച്ചു. പരിക്കേറ്റ മൂവരെയും മാളയിലെ സ്വകാര്യ ആശുപത്രിയിൽ പ്രവേശിപ്പിച്ചു.