ഹൈദ്രാബാദ് ഉസ്മാനിയ സര്വ്വകലാശാലയിലെ വനിതാ ഹോസ്റ്റലിലെ ഭക്ഷണത്തില് പുഴുവിനെ കണ്ടെത്തിയതിന് പിന്നാലെ സര്വ്വകലാശാല ഹോസ്റ്റലിന് പുറത്തെ റോഡില് കുത്തിയിരിപ്പ് സമരവുമായി വിദ്യാര്ത്ഥിനികള്. കഴിഞ്ഞ മൂന്ന് മാസമായി മോശം ഭക്ഷണത്തെ കുറിച്ച് പരാതി പറഞ്ഞിട്ടും അധികാരികളുടെ ഭാഗത്ത് നിന്നും ഒരു നടപടിയും ഉണ്ടായില്ലെന്നും അതിനെ തുടര്ന്നാണ് സമരമെന്നും വിദ്യാര്ത്ഥിനികള് പറഞ്ഞു. ഒഴിഞ്ഞ പ്ലേറ്റുകളുമായാണ് വിദ്യാര്ത്ഥിനികള് സമരത്തിനെത്തിയത്. വൃത്തിഹീനമായ ഭക്ഷണം കഴിച്ച് നിരവധി വിദ്യാര്ത്ഥിനികള്ക്ക് ആരോഗ്യപ്രശ്നങ്ങളുണ്ടായെന്നും പലര്ക്കും വയര് സംബന്ധമായ രോഗങ്ങളുണ്ടായെന്നും വിദ്യാര്ത്ഥിനികള് പറയുന്നു.