കേളകം -അടക്കാത്തോട്, കേളകം-പൂവത്തിൻചോല റോഡുകളുടെ ശോചനീയാവസ്ഥയിൽ പ്രതിഷേധിച്ച് കേളകത്തെ ഓട്ടോ തൊഴിലാളികൾ 24 മണിക്കൂർ സൂചന പണിമുടക്ക് സംഘടിപ്പിക്കുന്നു. രാവിലെ 10 മണി മുതൽ 12 മണി വരെ അടയ്ക്കത്തോട് ജംഗ്ഷനിൽ ഓട്ടോറിക്ഷ തൊഴിലാളികൾ പ്രതിഷേധ ധർണയും നടത്തി. പ്രതിഷേധ ധർണ്ണ സമരം ഓട്ടോറിക്ഷ തൊഴിലാളി ബേബി വരെപ്പോത്തുകുഴി ഉദ്ഘാടനം ചെയ്തു. ഓട്ടോറിക്ഷ തൊഴിലാളികളായ മനു കളപ്പുരക്കൽ, രാജേഷ് കുമാർ സി ബി ,സരസ കുമാർ എം എൻ, രാജു തോപ്പിൽ ,സിനീഷ് എ ജി, ജെയിംസ് കരുവാറ്റ, ബിജു എൻ കെ, ഷൈജു വി എം രഞ്ജിത്ത് കെ പി, അജിത്ത് മോഹനൻ എന്നിവർ പ്രതിഷേധത്തിന് നേതൃത്വം നൽകി.