അച്ഛൻ ക്രിസ്മസ് സമ്മാനം വാങ്ങാൻപോയി, വീട്ടില്‍ തീപ്പിടിത്തം, വെന്തുമരിച്ചത് അഞ്ചുകുട്ടികൾ, കരച്ചിലടങ്ങാതെ നാട്

ക്രിസ്മസിന് ദിവസങ്ങൾ മാത്രം ബാക്കിനിൽക്കെ, ക്രിസ്മസ് ആഘോഷങ്ങൾക്കായി കാത്തിരുന്ന അരിസോണയിലെ ഒരു കുടുംബത്തിന് നേരിടേണ്ടി വന്നത് സമാനതകളില്ലാത്ത ദുരന്തമാണ്. അതിൽ വിറങ്ങലിച്ച് നിൽക്കയാണ് ഈ വീട്ടുകാർ. അച്ഛൻ ഷോപ്പിം​ഗിന് പോയ സമയത്ത് വീട്ടിലുണ്ടായ തീപ്പിടിത്തത്തിൽ മരിച്ചത് അഞ്ച് കുട്ടികൾ.
ക്രിസ്മസ് സമ്മാനങ്ങളും ഭക്ഷണവും വാങ്ങാൻ പോയതായിരുന്നു അച്ഛൻ. എന്നാൽ, തിരികെ എത്തുമ്പോഴേക്കും നാല് മക്കളടക്കം അഞ്ച് കുട്ടികൾ വീട്ടിലുണ്ടായ അപകടത്തിൽ മരിച്ചിരുന്നു. ശനിയാഴ്ചയാണ് ആ അപകടം നടന്നത്. ആ സമയത്ത് താൻ ക്രിസ്മസ് ഷോപ്പിം​ഗിന് വേണ്ടി പോയിരിക്കുകയായിരുന്നു എന്ന് കുട്ടികളുടെ അച്ഛൻ തന്നെയാണ് അന്വേഷണ ഉദ്യോ​ഗസ്ഥരോട് പറഞ്ഞത്. ‌