രാത്രി പത്ത് മണിയോടെ വീടിന് മുകളിൽ തെങ്ങ് കടപുഴകി വീണു, വീട്ടിനകത്തുണ്ടായിരുന്നു അച്ഛനും മകനും രക്ഷപ്പെട്ടു

കുട്ടനാട്: തെങ്ങു വീണ് വീട് തകർന്നു. ഉറങ്ങിക്കിടന്ന പിതാവും മകനും പരിക്കുകളോടെ രക്ഷപ്പെട്ടു. തലവടി പഞ്ചായത്ത് എട്ടാം വാർഡിൽ സ്ളായിപ്പറമ്പ് വീട്ടിൽ സഞ്ചേഷിൻറെ വീടിനു മുകളിലേക്ക് ഞായറാഴ്ച രാത്രി 10 മണിയോടെയാണ് തെങ്ങ് കടപുഴകി വീണത്.

വീട്ടിൽ വാടകയ്ക്ക് താമസിക്കുകയായിരുന്ന പുഷ്പാംഗതൻ (58). മകൻ അഭിജിത് (24) എന്നിവരാണ് പരffക്കുകളോടെ രക്ഷപ്പെട്ടത്. പുഷ്പാംഗതന്റെ പിതാവ് ഭാസ്കരൻ, ഭാര്യ എന്നിവർ വീട്ടിൽ ഉണ്ടായിരുന്നുവെങ്കിലും പരിക്കേൽക്കാതെ അത്ഭുതകരമായി രക്ഷപ്പെട്ടു.