ഒന്നര വര്ഷം മുന്പ് മൈസൂരുവില് വച്ചാണ് പ്രതികള് പാര്ലമെന്റ് പുകയാക്രമണം ആസൂത്രണം ചെയ്തത്. ഭഗത് സിങ് ഫാന് ക്ലബ് വഴിയാണ് പ്രതികള് പരസ്പരം ബന്ധപ്പെട്ടത്. സിഗ്നല് ആപ് വഴിയാണ് ആശയവിനിയമം നടത്തിയതെന്നും പൊലീസ് പറഞ്ഞു.
അതേസമയം പുകയാക്രമണത്തിന് പിന്നാലെ ലോക്സഭയിലെ സുരക്ഷ ചുമതലയുള്ള ഏഴു ഉദ്യോഗസ്ഥരെ സസ്പെന്ഡ് ചെയ്തു. ലോക്സഭ സെക്രട്ടറിയേറ്റിന്റേതാണ് നടപടി. പ്രധാനമന്ത്രി നരേന്ദ്രമോദി പാര്ലമെന്റിലെത്തി സുരക്ഷാകാര്യങ്ങള് വിലയിരുത്തി. കേന്ദ്രമന്ത്രിമാരുമായി ചര്ച്ച നടത്തുകയും ചെയ്തു.