പേരാവൂർ സെയ്ൻറ് ജോസഫ്സ് ഹൈസ്‌കൂൾ ഒൻപതാം ക്ലാസ് വിദ്യാർത്ഥിനിയുടെ കൈവിരൽ തല്ലിയൊടിക്കുകയും നിരവധി വിദ്യാർത്ഥികളെ മർദ്ദിക്കുകയും ചെയ്ത അധ്യാപകൻ ബൈജു വർഗീസിനെതിരെ അടിയന്തര നടപടി വേണമെന്ന് എസ് എഫ് ഐ പേരാവൂർ ഏരിയാ സെക്രട്ടറിയേറ്റ് ആവശ്യപ്പെടുന്നു. ഇക്കാര്യമുന്നയിച്ച് സ്കൂൾ അധികൃതർക്ക് പരാതി നൽകിയിട്ടുണ്ട്.തീരുമാനം വൈകിയാൽ പ്രത്യക്ഷ സമരവുമായി രംഗത്തിറങ്ങും.
ബൈജു വർഗീസിനെതിരെ നടപടിയാവശ്യപ്പെട്ട് സംസ്ഥാന ബാലാവകാശ കമ്മീഷനും മനുഷ്യവകാശ കമ്മീഷനും ശിശുക്ഷേമ സമിതിക്കും പരാതി നല്കിയിട്ടുണ്ട്.
നിരവധി വിദ്യാർഥികളെയാണ് ഈ അധ്യാപകൻ അകാരണമായി ക്രൂരമായ മർദ്ദനത്തിനിരയാക്കുന്നത്. വിദ്യാർത്ഥികളുടെ ഭാവിയോർത്താണ് മിക്ക രക്ഷിതാക്കളും പരാതിപ്പെടാത്തത്. പരാതിപ്പെട്ട വിദ്യാർഥികൾക്കെതിരെ മുൻ വൈരാഗ്യത്തോടെയാണ് ഇയാൾ പെരുരുമാറുന്നത്.ഏതാനും വിദ്യാർഥികൾ അധ്യാപകന്റെ ഭീഷണിയും അധ്യാപകനോടുള്ള ഭയവും കാരണം സ്കൂളിൽ പോകുന്നില്ലെന്ന് രക്ഷിതാക്കൾ പറഞ്ഞിട്ടുണ്ട്. ഈ സാഹചര്യത്തിലാണ് എസ് എഫ് ഐ പ്രക്ഷോഭത്തിനൊരുങ്ങുന്നത്.