തിരുവനന്തപുരം: സാമൂഹ്യസുരക്ഷ പെൻഷൻ ഗുണഭോക്താക്കള്ക്ക് നേരിട്ട് എത്തിക്കുന്നതിന് സംഘങ്ങള്ക്കുള്ള ഇൻസെൻറീവായി 70.12 കോടി രൂപ അനുവദിച്ചതായി ധനമന്ത്രി കെ.എൻ. ബാലഗോപാല് അറിയിച്ചു. 2021 നവംബര് മുതല് 2022 നവംബര് വരെയുള്ള കുടിശികയാണ് അനുവദിച്ചത്. പെൻഷൻ നേരിട്ട് ഗുണഭോക്താക്കള്ക്ക് എത്തിക്കുന്ന പ്രാഥമിക കാര്ഷിക സഹകരണ സംഘങ്ങള്ക്കും മറ്റ് സഹകരണ സംഘങ്ങള്ക്കുമാണ് ഇൻസെൻറീവ് ലഭിക്കുന്നത്. 22.49 ലക്ഷം പെൻഷൻ ഗുണഭോക്താക്കള്ക്കാണ് സംഘങ്ങള് നേരിട്ട് പെൻഷൻ തുക എത്തിക്കുന്നത്.