ഷോക്കേറ്റ് നിലവിളിക്കാന് തുടങ്ങിയപ്പോള് സഹോദരങ്ങള് ഓടിയെത്തി രക്ഷിക്കാന് ശ്രമിച്ചു. എന്നാല് എല്ലാവര്ക്കും ഷോക്കേല്ക്കുകയായിരുന്നു. പാടത്ത് ജോലിക്ക് പോയിരുന്ന മുതിര്ന്നവര് തിരിച്ചെത്തിയപ്പോഴാണ് നാല് കുട്ടികളെയും മരിച്ച നിലയില് വീടിനുള്ളില് കണ്ടെത്തിയത്. വിവരം അറിയിച്ചത് അനുസരിച്ച് ബറസഗ്വാര് പൊലീസ് സ്ഥലത്തെത്തി. കുട്ടികളുടെ മൃതദേഹങ്ങള് പോസ്റ്റ്മോര്ട്ടത്തിനായി അയച്ചു.
എല്ലാവരുടെയും മരണ കാരണമായത് വൈദ്യുതാഘാതമേറ്റത് തന്നെ ആണെന്ന് പ്രാഥമിക പരിശോധനയില് കണ്ടെത്തിയതായി സര്ക്കിള് ഓഫീസര് അഷുതോഷ് കുമാര് അറിയിച്ചു. ആദ്യം കുട്ടികളില് ഒരാള്ക്ക് ഷോക്കേല്ക്കുകയും അയാളെ രക്ഷിക്കാന് ശ്രമിക്കുന്നതിനിടെ മറ്റുള്ളവര് കൂടി അപകടത്തില് പെടുകയും ചെയ്തതായാണ് സാഹചര്യം പരിശോധിച്ചതില് നിന്ന് മനസിലാവുന്നതെന്നും അദ്ദേഹം കൂട്ടിച്ചേര്ത്തു