പുതിയ കോഴ്സ് ആരംഭിക്കുന്നതോടെ നൂതനമായ ന്യൂക്ലിയാര് മെഡിസിന് ടെക്നോളജിയില് കൂടുതല് വിദഗ്ധരെ സൃഷ്ടിക്കാന് സാധിക്കും. നടപടിക്രമങ്ങള് പാലിച്ച് അടുത്ത അധ്യയന വര്ഷം തന്നെ കോഴ്സ് ആരംഭിക്കാനാകുമെന്നും മന്ത്രി വ്യക്തമാക്കി.
റേഡിയോ ആക്ടീവ് മൂലകങ്ങളും അവയുടെ വികിരണങ്ങളും ഉപയോഗിച്ച് രോഗനിര്ണയവും ചികിത്സയും നടത്തുന്ന അത്യാധുനിക ശാസ്ത്ര ശാഖയാണ് ന്യൂക്ലിയര് മെഡിസിന്. റേഡിയോ ഐസോടോപ്പ് ഉപയോഗിച്ചുള്ള സ്കാനിംഗും ചികിത്സയും നടത്തുന്നു. സ്പെക്റ്റ് സിടി, പെറ്റ് സിടി എന്നിവ ഉപയോഗിച്ചാണ് സ്കാനിംഗും രോഗനിര്ണയവും നടത്തുന്നത്.