മുംബൈ: ടി20 ക്രിക്കറ്റില്‍ ലോക റെക്കോര്‍ഡിട്ട് ഇന്ത്യന്‍ യുവതാരം റിയാന്‍ പരാഗ്. ടി20 ക്രിക്കറ്റില്‍ തുടര്‍ച്ചയായി ആറ് അര്‍ധ സെഞ്ചുറികളാണ് പരാഗ് സ്വന്തമാക്കിയത്. സയ്യിദ് മുഷ്താഖ് അലി ടി20 ടൂര്‍ണമെന്റിലാണ് താരത്തിന്റെ നേട്ടം. അസം ക്യാപ്റ്റനായ പരാഗ് ഏഴ് മത്സരങ്ങളാണ് കളിച്ചത്. ഇതില്‍ കഴിഞ്ഞ ആറ് മത്സരത്തിലും താരം ഫിഫ്റ്റി നേടി. ഗ്രൂപ്പ് ബിയില്‍ ഒഡീഷക്കെതിരെ ആദ്യ മത്സരത്തില്‍ 45 റണ്‍സാണ് പരാഗ് നേടിയത്. നേരിട്ടത് വെറും 19 റണ്‍സുകള്‍ മാത്രം.
രണ്ടാം മത്സരത്തില്‍ ബിഹാറിനെതിരെ 34 പന്തില്‍ 61 റണ്‍സും താരം അടിച്ചെടുത്തു. ആ മത്സരത്തില്‍ നാല് ഓവറില്‍ 25 റണ്‍സ് മാത്രം വഴങ്ങി രണ്ട് വിക്കറ്റ് വീഴ്ത്താനും പരാഗിനായിരുന്നു. മൂന്നാം മത്സരം സര്‍വീസസിനെതിരെ. 37 പന്തുകള്‍ നേരിട്ട താരം പുറത്താവാതെ 76 റണ്‍സ് നേടി. നാല് ഓവറില്‍ ഒമ്പത് റണ്‍സ് മാത്രം വിട്ടുകൊടുത്ത് മൂന്ന് വിക്കറ്റും 21കാരന്‍ സ്വന്തമാക്കി. അടുത്ത മത്സരം സിക്കിമിനെതിരെ ആയിരുന്നു. അതിലും താരം ഗംഭീര പ്രകടനം പുറത്തെടുത്തു. 29 പന്തുകള്‍ മാത്രം നേരിട്ട പരാഗ് പുറത്താവാതെ 53 റണ്‍സ് നേടി. ഒരു വിക്കറ്റും സ്വന്തമാക്കി.