തിരുവനന്തപുരം: ദാരിദ്ര്യം തുടച്ചു നീക്കാൻ കേരളത്തെ പ്രാപ്തമാക്കുന്നത് വനിതാ ശാക്തീകരണ പ്രവർത്തനങ്ങളാണെന്ന് മണിപ്പൂർ നിയമസഭാംഗം എം രാമേശ്വർ സിങ്. സംസ്ഥാനത്തെ വനിതാ ശാക്തീകരണ പ്രവർത്തനങ്ങളെക്കുറിച്ച് പഠിക്കുന്നതിനായാണ് മണിപ്പൂർ നിയമസഭാംഗം കേരളത്തിലെത്തിയത്. കേരള തദ്ദേശ സ്വയംഭരണ വകുപ്പ് മന്ത്രി എംബി രാജേഷുമായി രാമേശ്വർ സിങ് കൂടിക്കാഴ്ച നടത്തി.
കേരളത്തിലെ വനിതാ സ്വയംസഹായ സംഘങ്ങൾ സംസ്ഥാനത്തിന്‍റെ സാമൂഹ്യ പുരോഗതിയിൽ വലിയ മുന്നേറ്റമുണ്ടാക്കുന്നുണ്ട്. വനിതകളുടെ നേതൃത്വത്തിൽ നടക്കുന്ന കൊച്ചി വാട്ടർ മെട്രോയുടെ പ്രവർത്തനങ്ങൾ, അയൽക്കൂട്ടങ്ങളുടെ നേതൃത്വത്തിൽ 20 രൂപയ്ക്കു ഭക്ഷണം നൽകുന്ന കാന്‍റീനുകൾ എന്നിവ രാമേശ്വർ സിങ് സന്ദർശിച്ചിരുന്നു.