സംസ്ഥാനത്തിന്റെ നേട്ടങ്ങളുടെ വിളംബരവുമായി നവംബർ ഒന്നുമുതൽ ഏഴുവരെ തിരുവനന്തപുരത്ത് നടക്കുന്ന കേരളീയം മഹോത്സവത്തിന് ആശംസയുമായി ഗാനഗന്ധർവൻ ഡോ. കെ.ജെ. യേശുദാസ്. ‘കേരളം കേരളം കേളികെട്ടുയരുന്ന കേരളം’ എന്ന ഗാനാലാപനത്തോടെയാണ് ഡോ. കെ.ജെ. യേശുദാസ് വീഡിയോ സന്ദേശത്തിൽ ആശംസയർപ്പിച്ചത്. എഴുത്തുകാരായ എം.ടി. വാസുദേവൻനായർ, എം.കെ. സാനു, ഐ.എസ്.ആർ.ഒ. ചെയർമാൻ എസ്. സോമനാഥ്, സൂപ്പർതാരം മോഹൻലാൽ, ഗായിക കെ.എസ്. ചിത്ര, യുവനടൻ ഷെയ്ൻ നിഗം, ഗായികമാരായ മൃദുലാ വാര്യർ, റിമി ടോമി തുടങ്ങി നിരവധി പ്രമുഖർ കേരളീയത്തിന് ആശംസ അർപ്പിച്ച് രംഗത്തെത്തിയിരുന്നു.
കേരളീയത്തിന് ആശംസയുമായി ഡോ. കെ.ജെ. യേശുദാസ്
