ഇരിട്ടി : ആനമതിൽ പൂർത്തിയാകുന്നത് വരെ വന്യജീവികളിൽ നിന്നും ആദിവാസികളുടെ ജീവനും സ്വത്തും സംരക്ഷിക്കണമെന്ന് ആവശ്യപ്പെട്ട് ആദിവാസി ക്ഷേമസമിതി ആറളം ഏരിയ കമ്മിറ്റിയുടെ നേതൃത്വത്തിൽ ആറളം ഫാം ആർ ആർ ടി ഓഫീസിലേക്ക് മാർച്ചും ധർണ്ണയും നടത്തി. എ കെ എസ് ജില്ലാ സെക്രട്ടറി കെ.മോഹനൻ ഉദ്ഘാടനം ചെയ്തു. എ കെ എസ് ജില്ലാ കമ്മറ്റി അംഗം എ. ആർ. രാമചന്ദ്രൻ അധ്യക്ഷത വഹിച്ചു. സിപിഎം ഏരിയ കമ്മിറ്റിയംഗം കെ. കെ. ജനാർദ്ദനൻ , ആറളം ഫാം ലോക്കൽ സെക്രട്ടറി പി. കെ. രാമചന്ദ്രൻ, കെ. എ. ജോസ്, കോട്ടി കൃഷ്ണൻ, സംസ്ഥാന കമ്മറ്റി അംഗം ടി. സി. ലക്ഷ്മി, ഡിവൈഎഫ്ഐ മേഖലാ സെക്രട്ടറി പ്രവീൺ തുടങ്ങിയവർ സംസാരിച്ചു.