നിരന്തരമായി വയറു വേദന അനുഭവപ്പെട്ട ഒരു 40 വയസുകാരനെ ശസ്ത്രക്രിയക്ക് വിധേയനാക്കിയപ്പോൾ ഡോക്ടേഴ്‌സ് കണ്ട കാഴ്ചയാണ് ഇപ്പോൾ ഇന്റർനെറ്റ് ലോകത്തെ അമ്പരപ്പിക്കുന്നത്.
പഞ്ചാബിലെ മോഗ സ്വദേശിയ 40-കാരൻ കുൽദീപ് സിംഗിന് നിരന്തരമായ വയറുവേദന അനുഭവപ്പെട്ടതിനെ തുടർന്ന് ബന്ധുക്കൾ ഇയാളെ മോഗയിലെ മെഡിക്കൽ സ്‌പെഷ്യാലിറ്റി ഹോസ്പിറ്റലിൽ എത്തിച്ചു. കഠിനമായ ഛർദ്ദിയും, വയറുവേദനയും അനുഭവപ്പെട്ട കുൽദീപിനെ ശസ്ത്രക്രിയയ്‌ക്ക് വിധേയനാക്കിയപ്പോൾ ഡോക്ടേഴ്‌സിന് ഇയാളുടെ വയറിൽ നിന്നും സ്‌ക്രൂ, മെറ്റലുകൾ, ലോക്കറ്റുകൾ, ഇയർഫോണുകൾ തുടങ്ങിയ നിരവധി ലോഹങ്ങളാണ് ലഭിച്ചത്. എന്നാൽ മാനസികാരോഗ്യ പ്രശ്‌നങ്ങൾ നേരിടുന്ന കുൽദീപിന് ഇവയൊന്നും ഭക്ഷിച്ചതായി ഓർക്കുന്നുമില്ല.