കോഴിക്കോട് കോര്പ്പറേഷന് പരിധിയിലാണ് കൂടുതല് രോഗബാധിതരുള്ളത്. രോഗപ്രതിരോധ പ്രവര്ത്തനങ്ങളുടെ ഭാഗമായി ജില്ലയിലെ ഡെങ്കി ഹോട്ട്സ്പോട്ടുകള് പ്രസിദ്ധീകരിക്കുമെന്ന് അധികൃതര് അറിയിച്ചു.
ഈഡിസ് ഈജിപ്തി ഇനത്തില് പെടുന്ന കൊതുകുകളാണ് ഡെങ്കിപ്പനി പരത്തുന്നത്. ശുദ്ധജലത്തില് മുട്ടയിട്ടാണ് ഇവ വളരുന്നത്.
അതിനാല് റഫ്രിജറേറ്ററിനു പിറകിലെ ട്രേ, ചെടിച്ചട്ടികള്, ചിരട്ടകള്, ടാര്പോളിന്, അലക്ഷ്യമായി വലിച്ചെറിയുന്ന പാത്രങ്ങള് തുടങ്ങിയവയിലെല്ലാം കെട്ടിനില്ക്കുന്ന നല്ല വെള്ളത്തില് മുട്ടയിട്ട് ഇത്തരം കൊതുകുകള് വളരാനുള്ള സാധ്യത ഏറെയാണ്.