മുണ്ടയാട് കെ.എസ്.ഇ.ബി ഓഫിസിന് മുൻവശം തിങ്കളാഴ്ച രാത്രി 7.30നാണ് അപകടം. പള്ളിപ്രം ഭാഗത്ത് നിന്നും വരുന്ന ഗുഡ്സ് ഓട്ടോയും എതിർ ദിശയിൽ നിന്നും വന്ന കാറുമാണ് അപകടത്തിൽപ്പെട്ടത്.
അപകടം നടന്നയുടനെ നാട്ടുകാർ സജീവനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ ജ്യോതിനി (ഏച്ചൂർ പന്ന്യോട്ട്). മകൻ സംഗീത് (എൻജിനീയറിംഗ് വിദ്യാർത്ഥി ഹൈദരബാദ്).
ചക്കരക്കൽ പോലീസ് ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറി. ചൊവ്വാഴ്ച ഉച്ചക്ക് ശേഷം ഏച്ചൂരിലെ വീട്ടിൽ പൊതു ദർശനത്തിന് ശേഷം സ്വദേശമായ അഴീക്കോട് പള്ളിക്കുന്നു പൊതു ശ്മശാനത്തിൽ സംസ്കാരം.