കേളകം ബസ് സ്റ്റാൻഡിലെ ആൽമരം സാമൂഹ്യ വിരുദ്ധർ മുറിച്ചു മാറ്റി.

കേളകം: ബസ് സ്റ്റാൻഡിലെ ആൽമരം സാമൂഹ്യ വിരുദ്ധർ മുറിച്ചു മാറ്റി. തിങ്കളാഴ്ച രാവിലെ സ്റ്റാൻഡിലെത്തിയ ഓട്ടോ തൊഴിലാളികളാണ് മരം വെട്ടിമാറ്റിയത് കണ്ടത്. കഴിഞ്ഞ ദിവസം ഓട്ടോ തൊഴിലാളികൾ ചേർന്ന് ആൽമരച്ചുവട്ടിൽ ഇരിപ്പിടം നിർമ്മിച്ചിരുന്നു. ഇതിന് ശേഷമാണ് മരം മുറിച്ചത്. മൂന്നാം തവണയാണ് ഇത്തരത്തിൽ മരം മുറിക്കുന്നതെന്ന് ഓട്ടോ തൊഴിലാളികൾ പറഞ്ഞു. മരം മുറിച്ചുമാറ്റിയതിൽ പ്രതിഷേധിക്കുന്നതായും കുറ്റക്കാരെ നിയമത്തിന് മുന്നിൽ കൊണ്ടുവരണമെന്നും ഇവർ ആവശ്യപ്പെട്ടു.