കോളയാട് -ചങ്ങലഗേറ്റ്‌ -പെരുവ റോഡിൽ മരം വീണ് ഗതാഗത തടസ്സം

കോളയാട് : ചങ്ങലഗേറ്റ്‌ -പെരുവ റോഡിൽ കുട്ടപ്പാലം ഭാഗത്ത് വലിയ മരം കടപുഴകി വീണ് മൂന്ന് മണിക്കൂറിലേറെ ഗതാഗതം തടസ്സപ്പെട്ടു. വ്യാഴാഴ്ച പുലർച്ചെയാണ് സംഭവം. കെ.എസ്.ആർ.ടി.സി ബസ് ഉൾപ്പെടെ നിരവധി വാഹനങ്ങളാണ് റോഡിന്റെ ഇരുഭാഗത്തുമായി കുടുങ്ങിയത്.പേരാവൂർ അഗ്നി രക്ഷാ സേനയെത്തി മരം മുറിച്ചുമാറ്റി എട്ടുമണിയോടെ ഗതാഗതം പുനഃസ്ഥാപിച്ചു. പ്രവർത്തനങ്ങൾക്ക് വാർഡ്‌ മെമ്പർ റോയ് പൗലോസ് നേതൃത്വം നൽകി.