കേളകം ടൗണിൽ സിസിടിവി ക്യാമറകൾ സ്ഥാപിക്കുന്നതുമായി ബന്ധപ്പെട്ട് പോലീസിൻറെ നേതൃത്വത്തിൽ ആലോചനായോഗം നടന്നു

കേളകം :കേളകം ടൗണിലും പരിസരപ്രദേശങ്ങളിലും മോഷണം ഉൾപ്പെടെയുള്ള കുറ്റകൃത്യങ്ങൾ തടയുന്നതിനും , ടൗണിലെ ട്രാഫിക് നിയന്ത്രണം സുഗമമാക്കുന്നതിനും വേണ്ടി സിസിടിവി ക്യാമറകൾ സ്ഥാപിക്കുന്നതിനായി യോഗം ചേർന്നു. കേളകം പോലീസിന്റെ നേതൃത്വത്തിലാണ് യോഗം വിളിച്ചു ചേർത്തത്. കേളകം എസ് എച്ച് ജാൻസി മാത്യു, എസ് ഐ സുനിൽ വളയങ്ങാടൻ , വിവിധ വ്യാപാരി നേതാക്കളായ കൊച്ചിൻ രാജൻ, സജി ജോസഫ്, ജേക്കബ് ചോലമറ്റം, ടിൻ്റോ ലാവണ്യ, സുരേഷ് ബാബു , രവീന്ദ്രൻ നായർ, സുമേഷ് തത്തുപാറ . തുടങ്ങിയവർ യോഗത്തിൽ പങ്കെടുത്തു. ക്യാമറകളുടെ മറ്റ് അനുബന്ധ സാധനങ്ങളുടെയും എസ്റ്റിമേറ്റ് എടുക്കുന്നതിനും , കൂടുതൽ വ്യാപാരികളെ മറ്റു വ്യാപാര ഇതര സ്ഥാപനങ്ങളെയും ഉദ്യമത്തിലേക്ക് പങ്കെടുക്കുന്നതിനും, വിപുലമായ യോഗം വിളിക്കുന്നതിനും യോഗം തീരുമാനിച്ചു.