കണ്ണൂർ സർക്കിളിന് കീഴിൽ 2 കോടി രൂപയുടെ നാശനഷ്ടമാണ് ഉണ്ടായത്. 6305 വൈദ്യുതി കണക്ഷനുകളെ മഴ ബാധിച്ചു. 7 ഹൈടെൻഷൻ തൂണുകളും 126 ലോ ടെൻഷൻ തൂണുകളും തകർന്നു.
ഹൈ ടെൻഷൻ കമ്പികൾ ഒരു സ്ഥലത്ത് പൊട്ടി. അതേ സമയം 828 സ്ഥലങ്ങളിൽ ലോ ടെൻഷൻ കമ്പികൾ പൊട്ടി വീണു. 4 ട്രാൻസ്ഫോമറുകളും തകരാറിലായി.
ശ്രീകണ്ഠപുരം സർക്കിളിനു കീഴിലാവട്ടെ 4,85,98,100 രൂപയുടെ നാശനഷ്ടം ഉണ്ടായി. 103 ഹൈ ടെൻഷൻ വൈദ്യുതത്തൂണുകളും 594 ലോ ടെൻഷൻ വൈദ്യുതത്തൂണുകളും തകർന്നു. 75 സ്ഥലത്ത് ഹൈ ടെൻഷൻ ലൈനുകളും 1851 സ്ഥലത്ത് ലോ ടെൻഷൻ ലൈനുകളും പൊട്ടി വീണു.
4 ട്രാൻസ്ഫോമറുകൾ പൂർണമായും തകരാറിലായി. 395 എണ്ണത്തെ ബാധിച്ചു. 4,61436 വൈദ്യുതി കണക്ഷനുകളെയും മഴ ബാധിച്ചു.
അവധി ദിവസങ്ങളിലും ജീവനക്കാരുടെയും കോൺട്രാക്ട് ജീവനക്കാരുടെയും വിശ്രമ രഹിതമായ പ്രവർത്തനത്തിലൂടെ കണക്ഷനുകൾ പുനഃസ്ഥാപിക്കാൻ കഴിഞ്ഞു.