മുഖ്യമന്ത്രിയെ പത്രക്കാരുടെ തോഴൻ എന്നല്ലേ വാഴ്ത്തുന്നത്,എന്നിട്ട് ഇന്നലെ ഇടുക്കിയിൽ എന്താണ് സംഭിച്ചത് ?; എംവി ഗോവിന്ദൻ മാസ്റ്റർ
മാധ്യമങ്ങളോട് മുഖ്യമന്ത്രി വിഡി സതീശൻ സ്വീകരിക്കുന്ന നിലപാടിനെ രൂക്ഷമായി വിമർശിച്ച് എംവി ഗോവിന്ദൻ മാസ്റ്റർ. മുഖ്യമന്ത്രി മാധ്യമങ്ങളെ കാണുന്നില്ല, അവരോട് പ്രതികരിക്കുന്നില്ല. ജനങ്ങളെ വെല്ലുവിളിച്ച് സ്പോൺസർ ചെലവിൽ യാത്ര നടത്തുന്നുവെന്ന് ഗോവിന്ദൻ മാസ്റ്റർ പറഞ്ഞു.സ്പോൺസർഡ് വിമനത്തിൽ ഇനിയും പോകും എന്നാണ് മുഖ്യമന്ത്രി പറയുന്നു. മന്ത്രിമാർ വിദേശ യാത്രകൾ നടത്തുകയാണ്. മുഖ്യമന്ത്രി അതിനെ എല്ലാം ന്യായീകരിക്കുന്നു. മാധ്യമങ്ങൾ വാർത്ത നൽകിയിട്ടും അതിനെ ന്യായീകരിക്കുന്നുവെന്നും ഗോവിന്ദൻ മാസ്റ്റർ പറഞ്ഞു.ഗ്യാനേഷ് കുമാറിനെ പുറത്തതാക്കണമെന്ന ആവശ്യം ഉന്നയിച്ച് എസ്എഫ്ഐ, ഡിവൈഎഫ്ഐ എല്ലാം സമരത്തിലാണെന്നും എം വി ഗോവിന്ദൻ മാസ്റ്റർ പറഞ്ഞു. മുഖ്യമന്ത്രിയെ പത്രക്കാരുടെ തോഴൻ എന്നല്ലേ വാഴ്ത്തുന്നത്, എന്നിട്ട് ഇന്നലെ ഇടുക്കിയിൽ എന്താണ് സംഭിച്ചതെന്നും അദ്ദേഹം ചോദിച്ചു. കഴിഞ്ഞ ദിവസത്തെ പ്രെസ്സ് മീറ്റിൽ എന്താണ് ഉണ്ടായത്. ഇതുവരെ ഒരു മുഖ്യമന്ത്രിയും നടത്താത്ത രീതിയിൽ ആണ് മാധ്യമങ്ങളോട് അദ്ദേഹം പെരുമാറുന്നതെന്നും ഗോവിന്ദൻ മാസ്റ്റർ പറഞ്ഞു.
ഞാൻ ഇനിയും സ്പോൺസർഡ് യാത്ര നടത്തും എന്നാണ് മുഖ്യമന്ത്രി വെല്ലുവിളിക്കുന്നത്. ഇത് അഴിമതി ആണ്. സത്യപ്രതിജ്ഞാ ലംഘനം ആണ് നടക്കുന്നത്. സ്പോൺസർഡ് യാത്രക്കുറിച്ച് ചോദിക്കും എന്ന് ഉള്ളത് കൊണ്ടാണ് അദ്ദേഹം മാധ്യമങ്ങളെ കാണാൻ കൂട്ടാക്കാത്തത്.
