ചെന്നൈ ∙ ഭിന്നശേഷിക്കാരുടെ ഇന്ത്യൻ ക്രിക്കറ്റ് ടീം ക്യാപ്റ്റനെന്ന് അവകാശപ്പെട്ട് തമിഴ്നാട് മുഖ്യമന്ത്രി എം.കെ.സ്റ്റാലിനെയും കായിക മന്ത്രി ഉദയനിധിയെയും കബളിപ്പിച്ച യുവാവിനെതിരെ കേസെടുത്തു. രാമനാഥപുരം സ്വദേശിയായ വിനോദ് ബാബുവാണു വ്യാജ ട്രോഫിയുമായി മുഖ്യമന്ത്രിക്കും കായിക മന്ത്രിക്കുമൊപ്പം ചിത്രങ്ങളെടുത്ത് പ്രചരിപ്പിച്ചത്.
ഇന്ത്യൻ ടീം ക്യാപ്റ്റൻ ആണെന്നും പാക്കിസ്ഥാനിൽ നടന്ന ടൂർണമെന്റിൽ വിജയിച്ചെന്നും അവകാശപ്പെട്ട് പലരിൽ നിന്നും പണം തട്ടിയിട്ടുണ്ടെന്നും പൊലീസ് കണ്ടെത്തി.