പെന്‍ഷന്‍ ആനുകൂല്യ വിതരണത്തിന് കെഎസ്ആര്‍ടിസിക്ക് കൂടുതല്‍ സമയം അനുവദിച്ച് ഹൈക്കോടതി. 2022 വരെ വിരമിച്ചവരുടെ ആദ്യഘട്ട ആനുകൂല്യമായ ഒരു ലക്ഷം രൂപ രണ്ടു ഗഡുക്കളായി നല്‍കാമെന്ന് ഹൈക്കോടതി ഉത്തരവിട്ടു.
കെഎസ്ആര്‍ടിസിയുടെ അപ്പീലിലാണ് ഇടക്കാല ഉത്തരവ്. ജൂണ്‍ ഒന്നിന് മുന്പ് ആദ്യ ഗഡുവും ജൂലൈ ഒന്നിന് മുന്പ് രണ്ടാം ഗഡുവും നല്‍കണമെന്നും കോടതി വ്യക്തമാക്കി. കോര്‍പസ് ഫണ്ടിലേക്ക് തുക മാറ്റുന്നതിന് ജൂലൈ ഒന്നു വരെ സാവകാശവും അനുവദിച്ചു