ന്യൂഡൽഹി ∙ രാജ്യത്തിന്റെ പടിഞ്ഞാറൻ മേഖലയിൽ പാക്കിസ്ഥാൻ അതിർത്തിയോടു ചേർന്നുള്ള പോരാട്ട യൂണിറ്റിന്റെ കമാൻഡിങ് ഓഫിസറായി ഗ്രൂപ്പ് ക്യാപ്റ്റൻ ഷാലിസ ധാമിയെ വ്യോമസേന നിയമിച്ചു. സേനയിലെ ആക്രമണ യൂണിറ്റിനു നേതൃത്വം നൽകുന്ന ആദ്യ വനിതയാണ്.
പഞ്ചാബിലെ ലുധിയാന സ്വദേശിയായ ഷാലിസ ഹെലികോപ്റ്റർ പൈലറ്റായി 2003 ലാണു സേനയിൽ ചേർന്നത്. ഹെലികോപ്റ്റർ പറത്തുന്നതിൽ 2800 മണിക്കൂറിന്റെ അനുഭവസമ്പത്തുണ്ട്. സേനയിലെ ആദ്യ വനിതാ ഫ്ലയിങ് ഇൻസ്ട്രക്ടറാണ്. സേനയിൽ ഫ്ലൈറ്റ് കമാൻഡർ ചുമതലയിലെത്തിയ ആദ്യ വനിതയും ഷാലിസയാണ്; 2019ൽ.