കണ്ണൂർ: മരിച്ചെന്നു വീട്ടുകാർ കരുതിയ കുഞ്ഞിനെ ജീവിതത്തിലേക്ക് പിടിച്ചുകയറ്റി യുവ പോലീസുകാരൻ. മയ്യിൽ പൊലീസ് സ്റ്റേഷനിലെ സിവിൽ പൊലീസ് ഓഫീസറായ മുഹമ്മദ് ഫാസിലാണ് യഥാർത്ഥ പോലീസ് ഹീറോയായി മാറിയത്.
കഴിഞ്ഞ ദിവസം നടന്ന സംഭവത്തിൽ സിവിൽ പൊലീസ് ഓഫീസർ മുഹമ്മദ് ഫാസിൽ കണ്ണൂരിൽ ഒരു വീട്ടിൽ വെരിഫിക്കേഷൻ ഡ്യൂട്ടിയ്ക്ക് പോയപ്പോഴാണ് സംഭവം. സമീപത്ത വീട്ടിൽ നിന്നും കൂട്ടകരച്ചിൽ കേട്ട് എന്താണ് വിവരമെന്ന് അന്വേഷിക്കാൻ ഈ വീട്ടിലെത്തി.
ഓടിയെത്തിയ ഫാസിൽ കണ്ടത് നിശ്ചലമായി കിടക്കുന്ന കുഞ്ഞിനെയായിരുന്നു. കുട്ടി മരിച്ചെന്നു കരുതി എല്ലാവരും നിലവിളിക്കുകയായിരുന്നു. സമയം പാഴാക്കാതെ ഫാസിൽ കുഞ്ഞിന് കൃത്രിമ ശ്വാസം നൽകി ജീവിതത്തിലേക്ക് തിരികെ കൊണ്ടുവന്നു.
ഉടൻ തന്നെ സമീപത്തെ ആശുപത്രിയിൽ എത്തിക്കുകയും ചെയ്തു. ഒമ്പതുമാസം പ്രായമുള്ള കുഞ്ഞിന് പുതുജീവൻ നൽകിയ പോലീസുകാരന്റെ പ്രവർത്തിയും വിവരവും അഭിനന്ദനകുറിപ്പോൾ പോലീസ് തങ്ങളുടെ ഫേസ്ബുക്ക് പേജിലൂടെയാണ് പങ്കുവെച്ചിട്ടുണ്ട്.
സന്ദർഭത്തിൽ പതറാതെ ഉടൻ തന്നെ കുട്ടിക്ക് കൃത്രിമ ശ്വാസമടക്കമുള്ള പരിചരണം നല്കി ജീവിതത്തിലേക്ക് തിരിച്ചുകൊണ്ടുവരാൻ ഫൈസലിന് കഴിഞ്ഞെന്നും അടുത്തുള്ള ആശുപത്രിയിലെത്തിച്ച് കുട്ടിയുടെ ജീവൻ രക്ഷപ്പെടുത്തിയ സഹപ്രവർത്തകന് അഭിനന്ദനങ്ങളെന്നുമാണ് കുറിപ്പ്.