കണ്ണൂര്‍ നഗരത്തില്‍ തനിച്ച് താമസിക്കുന്ന വയോധികയുടെ വീടിന് തീവച്ച സംഭവത്തില്‍ പ്രതിയെ അറസ്റ്റ് ചെയ്തു.പാറക്കണ്ടിയിലെ സതീഷ് എന്ന ഉണ്ണിയെയാണ് അറസ്റ്റ് ചെയ്തത്.വയോധികയുടെ അയല്‍വാസിയാണ് ഇയാള്‍. സതീഷ് തീ വെക്കുന്നതിന്റെ സിസിടിവി ദൃശ്യം പൊലീസിന് കിട്ടിയിരുന്നു. ഇന്‍സ്‌പെക്ടര്‍ പി എ ബിനുമോഹനും സ്‌ക്വാഡും ചേര്‍ന്നാണ് ഇയാളെ അറസ്റ്റ് ചെയ്തത്.തിങ്കളാഴ്ച പുലര്‍ച്ചെയാണ് തനിച്ച് താമസിക്കുകയായിരുന്ന ശ്യാമളയുടെ വീട് കത്തിച്ചത്.ആക്രി സാധനങ്ങള്‍ കൂട്ടിയിടുന്നതുമായി ബന്ധപ്പെട്ട വിദ്വേഷമാണ് തീവെപ്പിന് കാരണമെന്നാണ് പ്രതി നല്‍കിയ മൊഴി. പ്രതിയെ തെളിവെടുക്കാനായി കത്തിച്ച വീട്ടില്‍ കൊണ്ടു വന്നു.