ബഫർ സോണ് സംബന്ധിച്ച് ഇന്നലെ വരെ ലഭിച്ചത് 76,378 പരാതികൾ. ഇതിൽ 40,444 പരാതികൾ പരിഹരിച്ചു. ഏറ്റവും കൂടുതൽ പരാതികൾ പരിഹരിച്ചത് മലബാർ വന്യജീവി സങ്കേതത്തിലാണ്. ഇവിടെ ലഭിച്ച 5,526 പരാതികളിൽ 5,466 ഉം പരിഹരിച്ചു.
എന്നാൽ ഇന്നലെയും സൈലന്‍റ് വാലി വന്യജീവ സങ്കേതത്തിന്‍റെ ഭാഗമായ പഞ്ചായത്തുകളിൽ ലഭിച്ച പരാതികളിൽ ഏറെയും പരിഹരിക്കാത്ത സ്ഥിതിയിലാണ്. ഇവിടുത്തെ നാലു പഞ്ചായത്തുകളിലെ നിർമിതികൾ ഒന്നും അപ്ലോഡ് ചെയ്തിട്ടുമില്ല. ഇന്നലെ വരെ സംസ്ഥാനത്ത് ആകെ 52539 നിർമിതികൾ അസറ്റ് മാപ്പർ വഴി അപ്ലോഡ് ചെയ്തു.