ഇന്ത്യ-സൗദി വ്യാപാരത്തിൽ ഈ വർഷം 67 ശതമാനം വർധന. ജനുവരി മുതൽ ഒക്ടോബർ അവസാനം വരെയുള്ള കാലയളവിൽ ഇരുരാജ്യങ്ങളും തമ്മിലുള്ള വ്യാപാരം 16,820 കോടി റിയാലായി ഉയർന്നതായാണ് കണക്കുകൾ. കഴിഞ്ഞവർഷം ഇത് 100.8 ബില്യൺ റിയാലായിരുന്നു.
അതേസമയം, സൗദി അറേബ്യയുടെ വിദേശ വ്യാപാരം 46.8 ശതമാനം തോതിൽ ഉയർന്ന് 1.89 ട്രില്യൺ റിയാലായും ഉയർന്നു. സൗദിയുടെ വിദേശ വ്യാപരത്തിന്റെ 64.5 ശതമാനം പത്തു രാജ്യങ്ങളുമായിട്ടായിരുന്നു. ഈ രാജ്യങ്ങളുമായുള്ള വ്യാപാരം 1.22 ട്രില്യൺ റിയാലായി ഉയർന്നു.
ചൈനയും ഇന്ത്യയും ജപ്പാനുമാണ് സൗദിയുടെ ഏറ്റവും വലിയ വാണിജ്യ പങ്കാളികൾ. സൗദിയുടെ ഏറ്റവും വലിയ രണ്ടാമത്തെ വാണിജ്യ പങ്കാളിയാണ് ഇന്ത്യ.