കൊല്ലത്ത് കാര് കത്തി മാധ്യമപ്രവര്ത്തകന് മരിച്ചു. കേരള കൗമുദി ചാത്തന്നൂര് ലേഖകന് സുധി വേളമാനൂര്(45) ആണ് മരിച്ചത്.
വ്യാഴാഴ്ച വൈകിട്ട് പരവൂര്-ചാത്തന്നൂര് റോഡില് മീനാട് പാലത്തിന് സമീപമാണ് സംഭവം. വീട്ടില് നിന്നും പുറത്തിറങ്ങിയ ഉടന് കാറിന് തിപിടിക്കുകയായിരുന്നു.
കാറിന്റെ വാതിലുകള് അകത്ത് നിന്നും പൂട്ടിയ നിലയിലായിരുന്നു. സംഭവം കണ്ട് അതുവഴി വന്നയാള് കാറിന്റെ പിന്നിലെ ചില്ല് തകര്ത്തെങ്കിലും തീ ആളിപ്പടര്ന്നു.
പരവൂരില് നിന്നും അഗ്നിശമന സേനയെത്തി തീയണച്ചുവെങ്കിലും കാര് പൂര്ണമായും കത്തിയിരുന്നു. മൃതദേഹം ആശുപത്രിയിലേക്ക് മാറ്റി.
പരേതനായ കെ.പി. സുകുമാരനും സുശീലാദേവിയുമാണ് മാതാപിതാക്കള്. സഹോദരങ്ങള്: സുനിത, സുലത, സുനില്, സുനീഷ്, സുജ.