സ്റ്റേഡിയത്തിൽ നിന്നും മൈതാനത്തേക്ക് ഇറങ്ങുന്ന കാണികൾക്കെതിരെ ശക്തമായ നടപടിക്കൊരുങ്ങി കേരള ബ്ലാസ്റ്റേഴ്സ്. കഴിഞ്ഞ ഹോം മത്സരങ്ങളിൽ ആരാധകർ അതിരുവിട്ട് മൈതാനത്തേക്ക് ഇറങ്ങിയ സംഭവം ആവർത്തിക്കാതിരിക്കാനാണ് ക്ലബ് നടപടിയെടുക്കാനൊരുങ്ങുന്നത്.
നിയന്ത്രണം ലംഘിച്ച് മൈതാനത്ത് പ്രവേശിക്കുന്നവർക്ക് അഞ്ച് ലക്ഷം രൂപ പിഴ ചുമത്തും. പുറമെ സ്റ്റേഡിയത്തിലേക്ക് വിലക്കും ഏർപ്പെടുത്തുമെന്ന് കേരള ബ്ലാസ്റ്റേഴ്സ് അധികൃതർ അറിയിച്ചു. ബംഗളൂരു എഫ്സിക്കെതിരെ ഞായറാഴ്ചയാണ് കേരള ബ്ലാസ്റ്റേഴ്സിന്റെ അടുത്ത ഹോം മത്സരം നടക്കുന്നത്.