കടുത്ത സാന്പത്തിക പ്രതിസന്ധിയെത്തുടർന്നു സംസ്ഥാനത്തു ട്രഷറി നിയന്ത്രണം തുടരുന്നതിനിടയിലും പോലിസ്, ഫിംഗർ പ്രിന്റ് ബ്യൂറോ, എക്സൈസ് എന്നിവയ്ക്കായി 141 വാഹനങ്ങൾ വാങ്ങുന്നതിനായി 12.27 കോടി രൂപ അനുവദിക്കാൻ മന്ത്രിസഭായോഗം അനുമതി നൽകി.
പോലീസ് സ്റ്റേഷനുകൾക്കായി 98 മഹീന്ദ്ര ബൊലേറോ വാഹനങ്ങൾ വാങ്ങാനായി 8,26,74,270 രൂപയ്ക്കാണ് അനുമതി. ഫിംഗർ പ്രിന്റ് ബ്യൂറോയ്ക്കായി 1,87,01,820 രൂപയ്ക്കു മഹീന്ദ്ര ബൊലേറോ വാഹനങ്ങൾ വാങ്ങാനും അനുമതി നൽകി.
അതേ വിഭാഗത്തിലെ വാഹനങ്ങൾ കണ്ടം ചെയ്യുന്നതിന് ആനുപാതികമായി മാത്രം വാങ്ങണമെന്ന വ്യവസ്ഥയിലാണ് അനുമതി. എക്സൈസ് വകുപ്പിന് 23 മഹീന്ദ്ര നിയോ വാഹനങ്ങൾ വാങ്ങാനും 2,13,27,170 രൂപയ്ക്ക് അനുമതി നൽകി.