ഖത്തറില് നടക്കുന്ന ഫിഫാ വേള്ഡ് കപ്പ് ഉദ്ഘാടന ചടങ്ങില് ഇന്ത്യയെ പ്രതിനിധീകരിച്ച് ഉപരാഷ്ട്രപതി ജഗ്ദീപ് ധന്കാര് പങ്കെടുക്കും. ഖത്തര് ഭരണാധികാരി ഷെയ്ഖ് തമീം ബിന് ഹമദ് അല് താനിയുടെ പ്രത്യേക ക്ഷണപ്രകാരമാണ് ഉപരാഷ്ട്രപതി ചടങ്ങിനെത്തുക.
രണ്ട് ദിവസത്തെ സന്ദര്ശനത്തിന് ഖത്തറിലെത്തുന്ന ധന്കാറിന് ഈ മാസം 21ന് ഇന്ത്യന് സമൂഹം സ്വീകരണം നല്കും. അല് വക്റയിലെ ഡിപിഎസ് മോഡേണ് ഇന്ത്യന് സ്കൂളിലാണ് സ്വീകരണം.
ലോകകപ്പ് ആവേശങ്ങളില് പങ്കുചേരാന് കേരളത്തില്നിന്നുള്ള മന്ത്രിമാര്, എപിമാര്, എംഎല്എമാര്, കോണ്ഗ്രസ് നേതാവ് പ്രിയങ്ക ഗാന്ധി ഉള്പ്പെടെ നിരവധി പ്രമുഖരാണ് ഖത്തറിലെത്തുക.