2023-24 അധ്യയന വർഷത്തെ ഒന്നു മുതൽ 10 വരെ ക്ലസുകളിലേക്ക് ആവശ്യമായ പാഠപുസ്തകങ്ങൾ സ്കൂളുകൾക്ക് ഓൺലൈൻ മുഖേന ഇൻഡന്റ് രേഖപ്പെടുത്തുവാനുള്ള സൗകര്യം KITE (Kerala Infrastructure and Technology for Education ([email protected]) ന്റെ വെബ്സൈറ്റിൽ (www.kite. kerala.gov.in) ഇന്നു മുതൽ 30 വരെ ലഭിക്കും.
സർക്കാർ /എയ്ഡഡ് /ടെക്നിക്കൽ സ്കൂളുകൾക്കും അംഗീകാരമുള്ള അൺഎയ്ഡഡ് /സിബിഎസ്ഇ /നവോദയ സ്കൂളുകൾക്കും ഓൺലൈനായി ഇൻഡന്റ് രേഖപ്പെടുത്താം. 2023-24 അധ്യയന വർഷത്തിൽ ഒന്നാം വാല്യം 288 ടൈറ്റിലുകളും രണ്ടാം വാല്യം 183 ടൈറ്റിലുകളും, മൂന്നാം വാല്യം 20 ടൈറ്റിലുകളും ഉൾപ്പടെയുള്ള പാഠപുസ്തകങ്ങളാണുള്ളത്.
എല്ലാ പ്രഥമാധ്യാപകരും അവരുടെ സ്കൂളിനാവശ്യമായ പാഠപുസ്തകങ്ങൾ കൃത്യ സമയത്തിനുള്ളിൽ ഇൻഡന്റ് ചെയ്യേണ്ടതാണ്. ഇൻഡന്റിംഗ് നൽകുന്നതിനുള്ള മാർഗ നിർദേശങ്ങളടങ്ങുന്ന വിശദമായ സർക്കുലർ ജനറൽ എഡ്യൂക്കേഷന്റെ ഔദ്യോഗിക വെബ്സൈറ്റിലും (http://education. kerala.gov.in) എല്ലാ വിദ്യാഭ്യാസ (ഉപഡയറക്ടർ, ഉപജില്ലാ) ഓഫീസുകളിലും ലഭ്യമാണ്.