ഗതാഗത സാക്ഷരത സംബന്ധിച്ചുള്ള പ്രാഥമിക അറിവുകൾ ചെറുപ്പത്തിൽ കുട്ടികൾക്ക് നൽകുന്നത് ഏറെ ഗുണകരമാണെന്നും പാഠ്യപദ്ധതി പരിഷ്കരിക്കപ്പെടുന്പോൾ ഇക്കാര്യം സർക്കാർ ഗൗരവമായി പരിഗണിക്കുമെന്നും പൊതുവിദ്യാഭ്യാസ മന്ത്രി വി. ശിവൻകുട്ടി.
‘സ്കൂളിലേക്ക് ഒരു സുരക്ഷിതപാത’ പദ്ധതിയുടെ ഉദ്ഘാടനം തിരുവനന്തപുരം അട്ടക്കുളങ്ങര സെൻട്രൽ ഹൈസ്കൂളിൽ നിർവഹിച്ചു പ്രസംഗിക്കുകയായിരുന്നു മന്ത്രി.
ചടങ്ങിൽ ഗതാഗത മന്ത്രി ആന്റണി രാജു അധ്യക്ഷനായിരുന്നു. കേരള റോഡ് സുരക്ഷാ അഥോറിറ്റിയും ദേശീയ ഗതാഗത ആസൂത്രണ ഗവേഷണകേന്ദ്രവുമാണ് പരിപാടി സംഘടിപ്പിക്കുന്നത്.