കേളകം: കേളകം പഞ്ചായത്തിലെ വിനോദസഞ്ചാര മേഖലകളെ കോർത്തിണക്കി ടൂറിസം ഭൂപടം തയാറാക്കുന്നു. ഇതിനായി പഞ്ചായത്തിന്റെ വിവിധ കേന്ദ്രങ്ങളുടെ വിശദപഠനം നടത്തി. പഞ്ചായത്ത് പ്രസിഡന്റ് സി.ടി.അനീഷ്, സ്റ്റാൻഡിംഗ് കമ്മിറ്റി ചെയർമാൻമാരായ ടോമി പുളിക്കക്കണ്ടം, സജീവൻ പാലുമ്മി, ടൂറിസം വികസന സമിതി അംഗങ്ങളായ പി.എം.രമണൻ, കെ.പി.ഷാജി ,തോമസ് പടിയക്കണ്ടത്തിൽ എന്നിവർ സന്ദർശിച്ച് റിപ്പോർട്ട് തയാറാക്കി. ,ചീങ്കണ്ണിപ്പുഴയിലെ കോച്ചിക്കുളം, കരിയംകാപ്പിലെ ചീരംവേലിപ്പടി ജലാശയം, വളയംചാൽ, മേഖലയിലെ വിവിധവെള്ളച്ചാട്ടങ്ങൾ , ബാവലിപ്പുഴ, കുണ്ടേരി മുളങ്കാടുകൾ, കേളകം വില്ലേജ് തുരുത്ത്, കണ്ടം തോട് പുൽമേട്, എന്നിവ കോർത്തിണക്കിയാണ് ടൂറിസം പദ്ധതി നടപ്പാക്കുക. വിനോദ സഞ്ചാരികൾക്ക് അറിവ് പകരാൻ കാർഷിക വിജ്ഞാന കേന്ദ്രം, തെരഞ്ഞെടുക്കപ്പെട്ട കർഷകരുടെ വൈവിധ്യ കൃഷി രീതികൾ, സാംസ്കാരിക പരിപാടികൾ, സംഗീത സായാഹ്നം, കളരിപ്പയറ്റ്, യോഗ പരിശീലനം, ആനമതിൽ യാത്ര, സൈക്ലിംഗ്, കയാക്കിംഗ് , മഴയാത്ര, കൂടാതെ കൊട്ട നെയ്ത്ത്, ചെങ്കൽ ഖനനം തുടങ്ങിയ കേന്ദ്രങ്ങളും ഉൾപ്പെടുത്തിയാണ് മാപ്പ് തയാറാക്കുന്നത്.
previous post