കോവിഡ് കാലത്ത് പിപിഇ കിറ്റുകള് അടക്കമുള്ളവ വാങ്ങിയതുമായി ബന്ധപ്പെട്ട കേസില് മുന് ആരോഗ്യമന്ത്രി കെ.കെ. ഷൈലജയ്ക്കെതിരെ അന്വേഷണത്തിന് ഉത്തരവിട്ട് ലോകായുക്ത. പ്രാഥമിക അന്വേഷണം നടത്തിയതിനുശേഷമാണ് ലോകായുക്ത അന്വേഷണത്തിന് ഉത്തരവിട്ടത്.
ഷൈലജ, കെഎംസിഎല് ജനറല് മാനേജര് ഡോക്ടര് ദിലീപ് അടക്കമുള്ളവര്ക്ക് ലോകായുക്ത നോട്ടീസയച്ചു. ഒരു മാസത്തിനകം നോട്ടീസിന് മറുപടി നല്കണം.
കോവിഡ് കാലത്ത് മൂന്നിരട്ടി വിലയ്ക്ക് പിപിഇ കിറ്റ് വാങ്ങിയ കേസിലാണ് ലോകായുക്ത അന്വേഷണത്തിന് ഉത്തരവിട്ടത്. കോണ്ഗ്രസ് പ്രവര്ത്തക വീണ എസ്. നായരുടെ ഹര്ജിയിലാണിത്.
ഒന്നാം പിണറായി സര്ക്കാരിന്റെ കാലത്ത് കോവിഡിന്റെ തുടക്കത്തില് പിപിഇ കിറ്റ്, ഗ്ലൗസ്, ഇന്ഫ്രാറെഡ് തെര്മോമീറ്റര് എന്നിവ അടക്കമുള്ള സാധനങ്ങള് വാങ്ങിയതില് അഴിമതി നടന്നുവെന്നാണ് ആരോപണം.