സംസ്ഥാനത്ത് ഇന്ന് ഒക്ടോബർ ഒമ്പത് മുതൽ 13 വരെ ഒറ്റപ്പെട്ട ഇടങ്ങളിൽ ഇടിയോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. നേരത്തെ 11-ാം തീയതി വരെ മഴയുണ്ടാകുമെന്ന് പ്രവചിച്ച ഐഎംഡി കേരളത്തിൽ രണ്ട് ദിവസം കൂടി മഴ നീളാൻ സാധ്യതയുണ്ടെന്ന് അറിയിച്ചു. മഴ പ്രമാണിച്ച് ഇന്നും നാളെയുമായി വിവിധ ജില്ലകളിൽ കാലാവസ്ഥ വകുപ്പ് യെല്ലോ അലേർട്ട് പ്രഖ്യാപിച്ചിട്ടുണ്ട്.ഇന്ന് ഒക്ടോബർ ഒമ്പത് – വയനാട്, മലപ്പുറം, പാലക്കാട്, ഇടുക്കി. നാളെ ഒക്ടോബർ 10 – ഇടുക്കി, വയനാട് എന്നീ ജില്ലകളിലാണ് ഐഎംഡി യെല്ലോ അലേർട്ട് പ്രഖ്യാപിച്ചിരിക്കുന്നത്. പടിഞ്ഞാറൻ കാറ്റ് ശക്തമായതിന്റെ ഫലമായാണ് കേരളത്തിൽ മഴ ലഭിക്കുന്നതെന്ന് കാലാവസ്ഥ നിരീക്ഷണ കേന്ദ്രം വ്യക്തമാക്കി.