തലശേരി ബസ്‌സ്റ്റാൻഡിൽ മഴയത്ത് കുട്ടികളെ ബസിനുള്ളിൽ കയറാൻ അനുവദിക്കാതെ ബസ് കണ്ടക്‌ടറും ക്ലീനറും തടഞ്ഞെന്ന പരാതിയിൽ അന്വേഷണം നടത്താൻ മനുഷ്യാവകാശ കമ്മീഷൻ ഉത്തരവിട്ടു. തലശേരി അസിസ്റ്റന്‍റ് കമ്മീഷണർ അന്വേഷണം നടത്തി ഒരാഴ്ചയ്ക്കകം റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷൽ അംഗം കെ. ബൈജുനാഥ് ഉത്തരവിട്ടു.
ഈമാസം 25ന് കണ്ണൂർ ഗവ. ഗസ്റ്റ് ഹൗസിൽ നടക്കുന്ന സിറ്റിംഗിൽ കേസ് പരിഗണിക്കും. സമൂഹമാധ്യമത്തിൽ വന്ന പോസ്റ്റിന്‍റെ അടിസ്ഥാനത്തിൽ സ്വമേധയായാണ് നടപടി.